ANİMAFİLM Məktəbində uşaqlar üçün yeni animasiya kursu açılır
ANİMAFİLM Məktəbinin yeni açılmış kursunda tanınmış animasiya rejissoru və rəssamı Elçin Hami Axundov animasiya kinosunun əsaslarını öyrədəcək. Kursda uşaqlar öz animasiya filmini çəkəcəklər və o beynəlxalq festivallarda təqdim ediləcək.
Kursda uşaqlar rəssəmlıq, animatorluq, ssenari, dramaturqiya, səhnələşdirmə, rejissorluq, təsvir rejissorluğu və prodüserlik üzrə əsasları mənimsəyəcəklər. Proqramın sonunda tələbələr tədris proqramı keçildiyi barədə sertifikatla təmin olunacaqlar.
Kurs Azərbaycan Animasiya Assosiasiyası, ANİMAFİLM Beynəlxalq Animasiya Festivalı və “Yaradıcı” Tədris və İnkubasiya Mərkəzinin dəstəyi ilə keçiriləcək.
2020-ci ildən fəaliyyət göstərən ANİMAFİLM məktəbində peşəkar animator və rejissorlar tələbələrə ssenari yazmağı, səhnələşdirməni, personajların hazırlanması və animasiyanın özünü öyrədirlər. Məktəb ANİMAFİLM festivalı nəzdində böyüklər və uşaqlar üçün bir sıra avropalı animasiya peşəkarları ilə vörkşoplar və ustad dərsləri təşkil edir. Dərslər həm nəzəri, həm praktiki biliklərin əldə olunmasına fokuslanır.
ƏLAVƏ MƏLUMAT
• Kurs 9-15 yaşlı uşaqlar üçün nəzərdə tutulub.
• Başlama tarixi: Aprelin 1-i
• Dərsin müddəti: 1,5 saat
• Dil: Azərbaycan dili
• Dərslərin keçirilmə vaxtı: Həftədə 2 dəfə (dəqiq gün və vaxt valideynlərin istəyi ilə seçiləcək).
• Aylıq ödəniş haqqı: 200 AZN.
• Ünvan: Bakı, Mehdi Mehdizadə küç. 29. “Yaradıcı” Tədris və İnkubasiya Mərkəzi (Xətai metrosu və 5 saylı DOST Mərkəzinə yaxın).
• Əlaqə nömrəsi (WhatsApp): +994 55 715 17 13
