7-ci ANİMAFİLM festivalı yeni müsabiqə proqramı ilə bir daha qarşınızdadır!
Hər il olduğu kimi, bu il də sizi müxtəlif ölkələrdən qəbul etdiyimiz bir-birindən maraqlı animasiya filmləri, dəyərli qonaqlar və sürpriz müsabiqədənkənar filmlər gözləyir!
2-6 oktyabr 2024-cü il tarixlərində Azərbaycan Respublikası Mədəniyyət Nazirliyi və Azərbaycan Respublikası Kino Agentliyinin dəstəyi, Azərbaycan Animasiya Assosiasiyasının təşkilatçılığı ilə Bakıda, “Azərbaycan” kinoteatrında 7-ci ANİMAFİLM Beynəlxalq Animasiya Festivalı keçiriləcək.
Demetrios Poursanidis (Yunanistan), Nitya Ramlogan (ABŞ), Nəzrin Ağamalıyeva, Elşən Cəbrayılzadə, Məsud Alısoy, Vəfa Piriyevanın (Azərbaycan) təmsil olunduğu festivalın seçim komissiyası müsabiqə proqramına daxil edilmiş filmlərin siyahısını elan edib.
Bu il festivala 2 beynəlxalq və 2 yerli kateqoriya üzrə 37 ölkədən 196 film daxil olub. Seçim komissiyası bütün filmləri dəyərləndirərək, müsabiqə şərtlərinə uyğun gələn 18 ölkədən 48 filmin müsabiqədə iştirak etməsini məqbul sayıb. Onlardan 12 film yerli, 36 film isə beynəlxalq kateqoriyalarda yarışacaqlar.
Müsabiqədə iştirak edəcək filmlər arasında həm bu sahədə öz sözünü demiş peşəkar animatorların, həm də animasiya dünyasına yeni daxil olmuş istedadlı gənclərin filmlərini görə biləcəksiniz.
Müsabiqədə iştirak etməsi üçün seçilmiş filmlər beynəlxalq münsiflər heyəti və tamaşaçılar tərəfindən qiymətləndiriləcək, qaliblər 7-ci ANİMAFİLM festivalının bağlanış mərasimində elan olunacaq. Münsiflər heyətinin üzvləri yaxın zamanda elan olunacaq.
Qaliblər üçün aşağıdakı mükafatlar nəzərdə tutulub:
- Beynəlxalq müsabiqənin “Ən yaxşı qısametrajlı animasiya filmi – GRAND PRIX”.
- Beynəlxalq müsabiqənin “Uşaqlar üçün ən yaxşı qısametrajlı animasiya filmi”.
- Yerli müsabiqənin “Ən yaxşı Azərbaycan qısametrajlı animasiya filmi”.
- Yerli müsabiqənin “Ən yaxşı Azərbaycan tələbə qısametrajlı animasiya filmi”.
- Tamaşaçı rəğbəti mükafatı.
- Tərəfdaşların xüsusi mükafatları.
Qeyd edək ki, 7-cı ANİMAFİLM Beynəlxalq Animasiya Festivalının proqramı və bilet satışı haqqında məlumat sentyabrda elan ediləcək.
Festivalın cədvəli ilə tanış olmaq və müsabiqə proqramına seçilmiş filmlərinin ilk tamaşaçısı olmaq fürsətini qaçırmamaq üçün “ANIMAFILM”in sosial media hesablarını izləyə bilərsiniz: Instagram ; Facebook ; Twitter ; YouTube
7-cı ANİMAFİLM Beynəlxalq Animasiya Festivalının müsabiqə proqramına seçilmiş filmlər üçün nəzərdə tutulan mükafatlar bunlardır:
Ən yaxşı qısametrajlı animasiya filmi – GRAND PRIX
| Filmin adı (ingilis dilində) | Filmin adı (azərbaycan dilində) | Ölkə | Rejissor | İstehsal ili | |
| 1 | High Diver | Suyatullanan | Almaniya | Oscar Bittner | 2024 |
| 2 | The Escort | Müşayiət | ABŞ | Rick Williamson | 2024 |
| 3 | Wind Goes On | Külək davam edir | Honq Konq | Eric Lee | 2024 |
| 4 | There’s A Fire In the Building | Binada yanğın var | ABŞ | Felipe Arturo Sanchez Robles | 2024 |
| 5 | The Wedding Veil of the Proud Princess | Qürurlu şəhzadənin toy duvağı | Böyük Britaniya | Anna-Ester Volozh | 2024 |
| 6 | The Little Ancestor | Kiçik əcdad | Kanada | Alexa Tremblay-Francoeur | 2024 |
| 7 | In the Shadow of the Cypress | Sərv ağacının kölgəsində | İran İslam Respublikası | Hossein Molayemi Shirin Sohani | 2023 |
| 8 | Cold Soup | Soyuq şorba | Portuqaliya | Marta Monteiro | 2023 |
| 9 | La Révolution | İnqilab | Fransa | Victor Patard, Margot Prud’homme, Juliette Taupe, Maya Rohmer Kretz, Amélie de Boëver | 2023 |
| 10 | Lucky Dog | Şanslı it | Hindistan | Ujwal Nair | 2023 |
| 11 | The Human Fossil | İnsan fosili | ABŞ | Rebecca Huang | 2024 |
| 12 | Unicorn Lady | Təkbuynuz qadın | Hindistan | Rebecca Rechana Paul | 2024 |
| 13 | Her Wish | Onun arzusu | Çin | Baoxingchen YI | 2023 |
| 14 | A Tale of the Stolen Peach | Oğurlanmış şaftalının nağılı | Çin | Jiaguo Wang | 2023 |
| 15 | Smile | Gülümsə | Çin | Yuan Yuam | 2023 |
| 16 | Pear Garden | Armud bağı | Almaniya | Shadab Shayegan | 2024 |
| 17 | Dòma | Doma | İtaliya | Chiara Seveso | 2023 |
| 18 | Father’s Mountains | Atamın dağları | Çin | XiaoJun Tan | 2023 |
| 19 | Cave | Mağara | Böyük Britaniya | Jan Zhou | 2023 |
| 20 | Sürgünlik (Exile) | Sürgünlük | ABŞ | Jeremiah Dickey | 2024 |
| 21 | The Family Portrait | Ailə portreti | Xorvatiya | Lea Vidakovic | 2023 |
| 22 | Wild Animal | Vəhşi heyvan | Çin | Tianyun Lyu | 2024 |
| 23 | Poppy Flowers | Xaş-xaş çiçəkləri | Estoniya | Evridiki Papaiakovou | 2024 |
| 24 | As if it Could | Sanki alınacaqdı | Belçika | Ada Güvenir | 2023 |
Uşaqlar üçün ən yaxşı qısametrajlı animasiya filmi
| Filmin adı (ingilis dilində) | Filmin adı (azərbaycan dilində) | Ölkə | Rejissor | İstehsal ili | |
| 1 | Cold Soda | Soyuq soda | ABŞ | Huayi Yu | 2024 |
| 2 | Puddle | Gölməçə | Danimarka | Maria-May Backhaus Brown, Mads Theodor Bonde | 2024 |
| 3 | Laika, Brave Dog | Cəsur it Layka | İtaliya | Francesco Catarinolo | 2024 |
| 4 | Goodbye Mamajee | Əlvida, Mamazi | Fransa | Taslyne Oumarkatar | 2023 |
| 5 | Lizzie and the Sea | Lizzie və dəniz | İtaliya | Mariacarla Norall | 2023 |
| 6 | Baking With Boris | Boris ilə çörək bişirmək | Fransa | Maša Avramović | 2023 |
| 7 | The Night Tunnel | Gecə tuneli | Belçika | Ada Güvenir | 2024 |
| 8 | Sparrows | Sərçələr | Fransa | Rémi Durin | 2024 |
| 9 | The Carp and the Child | Sazan balığı və uşaq | Fransa | Morgane Simon, Arnaud Demuynck | 2024 |
| 10 | Yellow Daisy Butterfly | Sarı çiçək kəpənəyi | Cənubi Afrika | Diek Grobler | 2024 |
| 11 | Reverse Journey | Tərs səyahət | Böyük Britaniya | Yunhe Wei | 2023 |
| 12 | Above the Tamarind Tree | Tamarinda ağacının üstündə | Qətər | Buthyna Al-Mohammadi | 2024 |
Ən yaxşı Azərbaycan qısametrajlı animasiya filmi
| Filmin adı (ingilis dilində) | Filmin adı (azərbaycan dilində) | Ölkə | Rejissor | İstehsal ili | |
| 1 | Inanna | İnanna | Azərbaycan | Rüstəm Bəşirov | 2024 |
| 2 | Chasing Time | Zamanın arxasınca | Azərbaycan ABŞ | Ayla Qasımova, Si Yi Lee | 2024 |
| 3 | The Man from Oghuz: The Judgment | Oğuzdan olan adam: Hökm | Azərbaycan ABŞ | Murad Əliyev | 2024 |
| 4 | Learning | Öyrənmək | Azərbaycan | Aslan Məhərrəmli | 2023 |
Ən yaxşı Azərbaycan tələbə qısametrajlı animasiya filmi
| Filmin adı (ingilis dilində) | Filmin adı (azərbaycan dilində) | Ölkə | Rejissor | İstehsal ili | |
| 1 | Here is My University | Mənim universitetim | Azərbaycan | Şahid İsmayılov | 2024 |
| 2 | Overthinking | Həddindən artıq düşünmək | Azərbaycan | Zəhraxanım Quluzadə | 2024 |
| 3 | Sona | Sona | Azərbaycan | Kövsər Qurban | 2024 |
| 4 | The Green | Yaşıl | Azərbaycan | İnci Qurban | 2024 |
| 5 | The Story of Abbas | Abbasın hekayəsi | Azərbaycan | Ayaz Xalıqov | 2024 |
| 6 | A Review of My Life | Həyatıma baxış | Azərbaycan | Cəmilə Əhmədova | 2024 |
| 7 | Saprim | Saprim | Azərbaycan | Nərmin Quliyeva | 2024 |
| 8 | Gum | Saqqız | Azərbaycan | Orxan Babalı | 2024 |