ANİMAFİLM Beynəlxalq Animasiya Festivalı BAFTA Festivallar Siyahısına daxil edilib
ANİMAFİLM Beynəlxalq Animasiya Festivalı “Qısametrajlı Britaniya animasiya filmi” kateqoriyasında BAFTA Festivallar Siyahısına daxil edilib. Bu, qürur doğuran nüfuzlu əməkdaşlıq, animasiyada mükəmməlliyi təşviq etmək və istedadlı kinorejissorları dəstəkləmək öhdəliyimizi bir daha vurğulayaraq festivalımızın öz səyahətində nə qədər irəliləmiş olduğunu göstərir.
Britaniya Kino və Televiziya Sənətləri Akademiyası (BAFTA) əməkdaşlıq etdiyi festivalların siyahısını ciddi seçim proseduruna uyğun tərtib edir, bu isə ANİMAFİLM-in BAFTA tərəfindən müəyyən edilmiş yüksək standartlara cavab verdiyinin göstəricisidir. Bu xəbər festivalımızın keyfiyyətini və təsir dairəsini nümayiş etdirməklə yanaşı, həm də öz işlərini festivalımıza təqdim edəcək rejissorlara möhtəşəm fürsət yaradır.
“Qısametrajlı Britaniya animasiya filmi” kateqoriyası ən yaxşı Britaniya qısametrajlı animasiya filmini təşviq etmək və dəstəkləmək üçün yaradılıb, məqsədi əməkdaşlıq etdiyi festivalların, öz növbəsində, bu adı müəyyənləşdirməkdə BAFTA-ya kömək etməsidir.
ANİMAFİLM BAFTA ilə əməkdaşlıq çərçivəsində animasiya filmlərini BAFTA Film Mükafatlarında “Qısametrajlı Britaniya animasiya filmi” kateqoriyasında yarışmaq üçün təklif etmək imkanı qazanacaq. Qeyd edək ki, BAFTA seçim hüququ sadəcə Böyük Britaniya istehsalı və ya Böyük Britaniya ilə birgə istehsal olunmuş animasiya filmlərinə şamil olunur.
BAFTA “Qısametrajlı Britaniya animasiya filmi” kateqoriyası üçün müraciətlər açıqdır və 18 oktyabr, cümə günü, saat 12:00-da (GMT) bağlanacaq. Mükafatlar 16 fevral 2025-ci il tarixində BAFTA Mükafatlarının təqdimat mərasimində sahiblərinə çatacaq. BAFTA-nın qısametrajlı film kateqoriyaları üçün bütün qaydalar və uyğunluq meyarları ilə buraya keçid edərək, BAFTA-nın tam press-relizini isə buradan oxuya bilərsiniz.
BAFTA Festivallar Siyahısına daxil edilmiş digər animasiya festivalları bunlardır: Annecy Beynəlxalq Animasiya Filmləri Festivalı, Kaboom Animasiya Festivalı, Animafest Zaqreb, Fantoche – Beynəlxalq Animasiya Filmləri Festivalı, Linoleum Müasir Animasiya və Media İncəsənəti Festivalı və s.
ANİMAFİLM-in bu siyahıya daxil edilməsi bir daha göstərir ki, festivalımız animatorlar üçün ədalətli və yüksək səviyyəli platforma təşkil edir. Festivalımız inkişaf etməyə davam edir və inanırıq ki, yaxın gələcəkdə daha böyük xəbərləri sizinlə bölüşə biləcəyik.