“Tarix” animasiya filminin online premyerasıdır!

“Tarix” qısametrajlı animasiya filmi bu il 8 Noyabr – Zəfər Günündə “KinoBiz” YouTube kanalı vasitəsilə yayımlanıb. Bu barədə Azərbaycan Animasiya Assosiasiyanın üzvü, filmin prodüseri Orxan Əliyev məlumat verib.

Filmi buradan izləyə bilərsiniz.

Filmin balaca qəhrəmanı məktəbdən ona verilmiş tapşırığı – gündəlikdə qeyd olunan rayonlarımızın işğal tarixlərini heç cür əzbərləyə bilmir. O, hərbi oyuncaqları ilə bir az oynadıqdan sonra yuxuya gedir. Yuxuda qəhrəmanımızın oyuncaqları real hərbi texnikalara çevrilərək düşmənin üzərində zəfər çalır. Səhər uşaq oyanır və artıq oyuncaqlarının yoxa çıxdığını görür. O, gündəliyi açır və işğal tarixlərinin üstündən bir-bir qırmızı xətt çəkir.

Film “Böyük Qayıdış” qısametrajlı bədii, sənədli və animasiya film layihələri müsabiqəsində qalib gələrək istehsal olunub.

Mükafat: Altın Saka Beynəlxalq Animasiya Filmləri Festivalı – Üçüncü mükafat (2023, Türkistan / Qazaxıstan)

Rejissor: Ceyhun Türksoy
Ssenari müəllifi: Orxan Əliyev
Bəstəkar: Şəmsi Tağıyev
Prodüser: Orxan Əliyev

İstehsalçı: “OB film”
Texniki göstəricilər: 16:9
Janr: uşaq filmi, novella

Film “OB Film” ilə 07.11.2024-cü il tarixində bağlanmış müqavilə əsasında yayımlanır.