“Sehrli nağıllar” sərgisinin açılışı olub

Dekabrın 27-də Bakı Fotoqrafiya Evinin təşkilatçılığı, Azərbaycan Animasiya Assosiasiyasının dəstəyi ilə “Sehrli nağıllar” sərgisi təşkil olunub. Sərgidə Azərbaycan animasiya tarixinə aid olan orijinal eskizlər, storyboard-lar, rəsmlər nümayiş olunur, həmçinin 2024-cü ildə “ANİMAFİLM Studio” tərəfindən və Azərbaycan Respublikasının Kino Agentliyinin (ARKA) maliyyə dəstəyi ilə istehsal olunan “Narqız” animasiya filminə aid rəsm əsərləri tamaşaçılara təqdim edilir. Sərgidə həm də “Rəngarəng duyğular” rəsm studiyası tələbələrinin rəngkarlıq əsərləri ilə tanış olmaq mümkündür. Sərgi yanvarın 10-dək davam edəcək.

Sərginin açılışında Azərbaycan Animasiya Assosiasiyanın sədri Rəşid Ağamalıyev, Assosiasiyanın İdarə Heyətinin üzvü Elçin Hami Axundov və Assosiasiyasının üzvləri Şahin Əliyev və Aydan Kazımova iştirak ediblər.