“Nağd Olsun!” serialının treyleri yayımlanıb

“Nağd Olsun!” yeni animasiya serialının treyleri yayımlanıb. “CAVAN” Gənclər Hərəkatı İctimai Birliyinin təşəbbüsü ilə çəkilən serialın rejissoru və ssenari müəllifi Rəvan Muradov, aparıcı animator Vüsal Kərimov, fon rəssamları Nəzrin Axundova, Kübra Binnətova, rolları səsləndirənlər Tural Əziz, Günay Əhməd, qrafik dizayner Elşad Quliyevdir.

Böyüklər üçün nəzərdə tutulan animasiya serialı Nağdəliyevlər ailəsinin macəralarından bəhs edir. Serialın ilk bölümü yanvarın 15-də yayımlanacaq.

Qeyd edək ki, Rəvan Muradovun əvvəlki uğurlu animasiya işləri “Balta” və “Bucaq” serialları olub. O 2024-cü ildən Azərbaycan Animasiya Assosiasiyasının üzvüdür.