Baxış sayı: 745
Pandemiyadan öncə getdiyiniz festivallar, kinoteatrda baxdığınız filmlər üçün darıxmısınız? Elə isə sizə şad xəbərimiz var!
IV ANİMAFİLM Beynəlxalq Animasiya Festivalı 3-7 sentyabr 2021-ci il tarixində canlı (offline) formada Bakıda keçiriləcək. Festival beş gün ərzində uşaqlar və böyüklər üçün çəkilmiş onlarla yerli və xarici animasiya filmlərini təqdim edəcək! Builki festivalın mövzusu “ƏLİLLİK” olacaq.
Proqrama nələr daxildir?
ANİMAFİLM Festivalı boyunca siz həyəcanlı bir müsabiqəyə şahidlik edəcəksiniz. 40 müxtəlif ölkədən 134 əsərin daxil olduğu müsabiqədə iştirakçılar 12 yerli və xarici müsabiqə kateqoriyalar üzrə mükafatlar uğrunda yarışacaqlar.
Həmçinin festivalın müsabiqədənkənar və peşəkar proqramları da bu il çox zəngindir: Fransa, Polşa, Özbəkistan filmləri, animasiya vorkşopları və daha nələr-nələr!
Vacib qeydlər:
- Festivalın tədbirlərinə giriş ödənişlidir. Biletləri burada əldən edə bilərsiniz: LİNK.
- Bilet satışından əldə olunan gəlir fiziki məhdudiyyətli uşaqların ehtiyacları üçün sərf ediləcək.
- Yerlər məhduddur! Biletləri indidən almağı sizdən xahiş edirik.
- Festivalın Facebook event-inə qoşulmağa dəvət edirik.
- Əlilliyi olan şəxslərin Festivalda iştirakı üçün ödənişsiz nəqliyyat təmin ediləcəkdir. Öncədən qeydiyyat vacibdir: LİNK
- Tədbirdə iştirak Azərbaycan Respublikası Nazirlər Kabineti yanında Operativ Qərargahın qərarları əsasında tənzimlənəcəkdir.
Tədbirlərin dili:
- Müsabiqə proramının bütün filmləri orijinal dilində ingiliscə alt yazı ilə nümayiş etdiriləcək. Həmçinin, bəzi xarici filmlər azərbaycanca alt yazı ilə nümayiş etdiriləcək.
- Açılış və bağlanış mərasimləri Azərbaycan və İngilis dilində, işarə dili müşayiəti ilə keçiriləcək.
Festival 3 məkanda baş tutacaq:
FESTİVALIN PROQRAMI
| Tarix | Tədbir | Proqram növü | Məkan | Yaş |
| 03.09.2021 – Cümə |
| 10:00 – 12:30 | Uşaqlar üçün ən yaxşı qısametrajlı animasiya filmi + Uşaqlar tərəfindən çəkilmiş ən yaxşı qısametrajlı animasiya filmi | Müsabiqə | AKİ | 7+ |
| 13:00 – 15:00 | Ən yaxşı Azərbaycan qısametrajlı animasiya filmi | Müsabiqə | AKİ | 18+ |
| 15:30 – 17:00 | Ən yaxşı qısametrajlı animasiya filmi – GRAND PRIX – A | Müsabiqə | AKİ | 18+ |
| 19:00 – 22:00 | Festivalın Açılış mərasimi | Müsabiqədənkənar | AKİ | 18+ |
| 04.09.2021 – Şənbə |
| 10:00 – 11:30 | Ən yaxşı televiziya animasiya seriyalı | Müsabiqə | AKİ | 10+ |
| 12:00 – 13:30 | Ən yaxşı qısametrajlı tələbə animasiya filmi – A | Müsabiqə | AKİ | 18+ |
| 14:00 – 15:30 | The Knight and The Princess – Ən yaxşı tammetrajlı animasiya filmi – GRAND PRIX | Müsabiqə | AKİ | 14+ |
| 16:30 – 18:00 | Olivier Catherin ilə vörkşop. ÖDƏNİŞSİZ öncədən qeydiyyatla. | Peşəkar | SALAAM | 18+ |
| 19:00 – 21:30 | Ernest və Selestina – uşaqlar üçün tammetrajlı film. ÖDƏNİŞSİZ öncədən qeydiyyatla. | Müsabiqədənkənar | YARAT | 7+ |
| 05.09.2021 – Bazar |
| 12:00 – 13:30 | Məsud Pənahi ilə ustad dərsi | Peşəkar | AKİ | 18+ |
| 14:00 – 15:30 | Ən yaxşı qısametrajlı tələbə animasiya filmi – B | Müsabiqə | AKİ | 18+ |
| 16:30 – 18:00 | Nancy Denney-Phelps və Nik Phelps ilə vörkşop. TUNES AND TOOMS | Peşəkar | SALAAM | 18+ |
| 19:00 – 21:00 | Ən yaxşı qısametrajlı animasiya filmi – GRAND PRIX – B | Müsabiqə | SALAAM | 18+ |
| 06.09.2021 – Bazar ertəsi |
| 10:00 – 11:30 | Ən yaxşı musiqili animasiya videosu + Ən yaxşı qısametrajlı eksperimental və ya abstrakt animasiya filmi | Müsabiqə | AKİ | 18+ |
| 12:00 – 13:30 | Kabul qaranquşları. Qeydiyyat forması | Müsabiqədənkənar | AKİ | 18+ |
| 14:00 – 15:30 | Benyamin – Ən yaxşı tammetrajlı animasiya filmi – GRAND PRIX | Müsabiqə | AKİ | 7+ |
| 16:00 – 17:30 | Özbəkistan animasiyası | Müsabiqədənkənar | AKİ | 7+ |
| 19:00 – 21:00 | Ən yaxşı qısametrajlı animasiya filmi – GRAND PRIX – C. | Müsabiqə | SALAAM | 18+ |
| 07.09.2021 – Çərşənbə axşamı |
| 10:00 – 11:30 | Blood of the Family Tree – Ən yaxşı tammetrajlı animasiya filmi – GRAND PRIX | Müsabiqə | AKİ | 18+ |
| 12:00 – 13:30 | Ramiz Ağayev – Azərbayan animasiyasına verdiyi töhvəyə görə “Qızıl Qayıq” mükafatı | Müsabiqədənkənar | AKİ | 7+ |
| 14:00 – 15:30 | O!PLA: Focus on Poland’21 | Müsabiqədənkənar | AKİ | 18+ |
| 19:00 – 22:00 | Bağlanış mərasimi | Müsabiqədənkənar | SALAAM | 18+ |
Təşəkkür edirik!
Festivalın təşkilatçısı “PERİ FİLM” MMC şirkəti, IV ANİMAFİLM Festivalının ərsəyə gəlməsində dəstəyi olan bütün tərəfdaşlara və dostlara, xüsusilə Azərbaycan Respublikasının Mədəniyyət Nazirliyinə, Azərbaycan Kinematoqrafçılar İttifaqına, Kreativ Azərbaycan portalına, Fransanın Azərbaycandakı səfirliyinə, Azərbaycandakı Fransız İnstitutuna, Annecy Beynəlxalq Animasiya Film Festivalına, Salaam Sinemaya, “Hadigro” şirkətinə, “Mr Chemical” şirkətinə, ABŞ Təhsilli Azərbaycan Məzunları İctimai Birliyinə, Çexiya Respublikasının Azərbaycandakı səfirliyinə, YARAT Müasir İncəsənət Məkanına, Polşa Respublikasının Bakıdakı səfirliyinə, “Ritual Mobil Theater Laboratory” teatr platformasına, “Seni” şirkətinə, “Promo Plus” şirkətinə, “Kekalove Adaptive Fashion” şirkətinə səmimi təşəkkürünü bildirir.
Əlaqə:
animafilm.biaf@gmail.com
www.anima.az
