“Pinokkio” animasiya filminin son treyleri yayımlanıb

Netflix dekabrın 9-da yayımlanacaq debütü ərəfəsində Guillermo del Toronun “Pinokkio” animasiya filminin yeni treylerini yayıb.

Filmin rejissoru del Toro və Mark Gustafsondur (“The PJs” (“Pi-ceylər”) filminin rejissoru, “Fantastic Mr. Fox” filminin animasiya rejissoru). Del Toro həm də Patrick McHale (“Over the Garden Wall” (“Bağın divarı arxasında”), “Adventure Time” (“Macəra zamanı”) ilə birlikdə filmin ssenarisini də yazıb.

Film Karlo Kollodinin (Azərbaycan tamaşaçısının Burratino kimi tanıdığı – red.) əfsanəvi taxta oğlan haqqında klassik nağılının yeni baxışdan keçirilməsidir.

Filmdə Pinokkio dünyaları aşan və sevginin ilhamverici gücünü göstərən sehrli macəralar yaşayır.

“Pinokkio” Netflix izləyicilərini bizləyə biləcəkmi – bax bu maraqlıdır. Bu il Netflix üçün orijinal animasiya filmləri sarıdan birmənalı keçməyib. Chris Williamın “The Sea Beast” (“Dəniz vəhşisi”) filmi yayda strimerin (yayımçı şirkət – red.) ən çox baxılan orijinal animasiya filmi oldu, lakin nə Richard Linklaterin “Apolo”, nə də ki Henry Selickin “Wendell & Wild” (“Vendel və Uayld”) filmləri Netflixin “Ən yaxşı 10 film” həftəlik reytinqinə daxil ola bilmədi.

“Pinokkio”dan başqa, strimer ilin sonuna qədər daha iki orijinal animasiya filmi təqdim etmək fikrindədir: “My Father’s Dragon” (“Atamın əjdahası”) və “Scrooge: A Christmas Carol” (“Skruc: Milad hekayəsi”).