Açıq çağırış: “Animation in Azerbaijan 2023” kataloqu tərtib olunur

Azərbaycan Respublikası Mədəniyyət nazirliyinin dəstəyilə, Azərbaycan Animasiya Assosiasiyası “Animation in Azerbaijan 2023” adlı kataloq tərtib edir. Kataloq beynəlxalq tədbirlərdə, festivallarda, sərgilərdə, o cümlədən, Annecy Beynəlxalq Animasiya Filmləri Festivalında təqdim olunacaq.

Kataloqda Azərbaycanda çəkilmiş və hazırlıq mərhələsində olan animasiya filmləri və seriallar, animasiya sahəsində fəaliyyət göstərən studiyalar, kino festivallar, animasiya kinosuna dəstək göstərən dövlət qurumları və qeyri-hökumət təşkilatlarının siyahısı əks olunacaq.

Kataloqa öz işlərini təqdim etmək istəyən animasiya peşəkarları və animasiya studiyaları noyabrın 20-sinədək bu formanı dolduraraq müraciət edə bilərlər.