6-cı ANİMAFİLM Naxçıvanda

Azərbaycan Animasiya Assosiasiyasının sədri Rəşid Ağamalıyev 6-cı ANİMAFİLM festivalının əks-sədası tədbiri çərçivəsində Naxçıvana səfəri zamanı Naxçıvan Dövlət Film Fondunda olmuş, dekabrın 4-ündə burada Naxçıvan şəhər ümumtəhsil məktəblərindən 11 və 15 №-li tam orta məktəbin şagirdlərinə “Pıspısa xanım və Siçan bəy”, “Hər bir yerdə”, “Bacı olmaq”, “Korvin”, “Kiçik bir səyahət”, “Pərixanım Sofiyeva”, “Timid və ağacdələn”, dekabrın 5-ində isə 2, 4 və 12 №-li tam orta məktəbin şagirdlərinə “Hədis”, “Hidari”, “Şəfəq saçan səma altında”, “Fizika”, “Yengəc”, “Bizim uniforma” animasiya filmləri nümayiş etdirilmişdir.

Qeyd edək ki, həmin günlər Naxçıvan məktəbliləri 6-cı ANİMAFİLM festivalının və “Sehrli xalça” tammetrajlı filminin treylerinə də baxmışlar.