Bu gün Azərbaycan Animasiya Assosiasiyasının iki yaşı tamam olur!
2022-ci ildən rəsmi formada qeydiyyata alınan, lakin 2016-cı ildə əsası qoyulan birlik fəaliyyəti dövründə bir çox yeniliklər və uğurlara imza atdı. Bu dövr ərzində “Azərbaycan animasiyası” kitabını, Bakıda ANİMAFİLM Beynəlxalq Animasiya Festivallarını və onların regionlarda əks-sədası, uşaqlar və böyüklər üçün animasiya təlimləri, xarici festivallarda Azərbaycan animasiya filmlərinin nümayişlərini, onlarla peşəkar görüş və dəyirmi masaları və s. kimi layihələri həyata keçirdik.
Azərbaycan animasiyasına töhfələrimiz hələ uzun illər davam edəcək. Siz də bu yolda bizimlə irəliləyə bilərsiniz. Bunun üçün www.anima.az səhifəsində qeydiyyatdan keçib, bizə könüllü ya üzv kimi qoşula bilərsiniz.
Azərbaycan Animasiya Assosiasiyasının bütün üzvləri və dostlarına hər zaman bizimlə olduqları üçün təşəkkür edir və iki yaşımız münasibətilə ürəkdən təbrik edirik!
Hörmətlə,
Azərbaycan Animasiya Assosiasiyasının İdarə Heyəti
