“7-ci ANİMAFİLM Festivalı: Böyük Britaniyadan Sevgilərlə” tədbiri başa çatıb

15-16 fevral tarixlərində 7-ci ANİMAFİLM Beynəlxalq Animasiya Festivalı çərçivəsində “7-ci ANİMAFİLM Festivalı: Böyük Britaniyadan Sevgilərlə” festivalı keçirilib. Tədbirlər Nizami Kino Mərkəzində və Animasiya Evində baş tutub.

Festival çərçivəsində “BAFTA” və “OSCAR” mükafatlı Böyük Britaniya filmləri nümayiş olunub və britaniyalı tanınmış animasiya prodüseri Aaron Wood “Animasiya istehsalı”, “Layihənin inkişaf etdirilməsi” və “Pitçinq” mövzularında mühazirələr oxuyub.

Festivalda Azərbaycan Animasiya Assosiasiyasının üzvləri, ANIMAFILM Festivalının direktorları Rəşid Ağamalıyev və Nəzrin Ağamalıyeva, festivalın layihə meneceri Aydan Kazımova, Böyük Britaniyanın Azərbaycandakı səfiri Ferqus Auld, British Council təşkilatının Ölkə üzrə direktoru Nərgiz Haciyeva, 132-134 nömrəli təhsil kompleksinin və “STEAM Azerbaijan”ın müəllim və şagirdləri, həmçinin animasiya filmlərinin pərəstişkarları iştirak ediblər.

Festival “PERİ FİLM” MMC və Azərbaycan Animasiya Assosiasiyası tərəfindən təşkil olunub, British Council tərəfindən dəstəklənib. Festivalın media tərəfdaşları “Skwigly” animasiya jurnalı, ADA İbtidai Məktəbi və KYNO-dur.

Fotoqraf: Nərmin Aslandır.