Layihəni ANİMAFİLM Pitçinq Müsabiqəsinə təqdim et!
1-ci ANİMAFİLM Pitçinq Müsabiqəsi 3–7 sentyabr 2025-ci il tarixlərində Bakıda keçiriləcək 8-ci ANİMAFİLM Beynəlxalq Animasiya Festivalı çərçivəsində baş tutacaq.
Müsabiqə “Azərbaycan Animasiya Assosiasiyası” İctimai Birliyi tərəfindən təşkil olunur və CEE Animation, ANİMAFİLM Studiyası və Dynamic Box Studiyasının dəstəyi ilə keçirilir.
Müsabiqənin məqsədi inkişaf, pre-prodakşn və ya istehsal mərhələsində olan yerli animasiya layihələrini dəstəkləməkdir.
Son müraciət tarixi: 25 iyul 2025-ci il.
İştirak şərtləri:
- Layihə Azərbaycan mənşəli və ya Azərbaycanla ortaq istehsal (ko-prodakşn) olmalıdır.
- Animasiya layihəsi olmalıdır (layihənin ən azı 50%-i animasiyadan ibarət olmalıdır).
- Qəbul olunan formatlar: qısametrajlı filmlər, tammetrajlı filmlər və seriallar.
- Animasiya texnikaları və mövzular üzrə heç bir məhdudiyyət yoxdur.
- Sənədlər Azərbaycan dilində təqdim olunmalıdır.
Necə müraciət etməli:
Layihəni bu Google Form vasitəsilə təqdim edin: https://forms.gle/TpbL3f6wZ3GmFXDG7
Seçilmiş layihələr 15 avqust 2025-ci il tarixində elan olunacaq.
Qalibləri Pitçinq Münsiflər Heyəti seçəcək və 8-ci ANIMAFILM Beynəlxalq Animasiya Festivalı zamanı elan olunacaq.
Mükafatlar:
- ANIMAFILM Studiyasının Mükafatı – 500 AZN
- Dynamic Box Studiyasının Mükafatı – 500 AZN
Qalib layihələr CEE Animation platformasında dərc olunacaq və istehsal dəstəyi üçün Azərbaycan Respublikasının Kino Agentliyinə (ARKA) tövsiyə ediləcək.