Rejissor, prodüser, ssenari müəllifi
Tərcümeyi hal:
Rəşid Eldar oğlu Ağamalıyev 1992-ci il oktyabrın 28-də anadan olub. 2015-ci ildə Hollandiyanın Utrext şəhərinin eyniadlı universitetində “Fəlsəfə” ixtisası üzrə təhsil alıb. 2017-ci ildə Çexiya Respublikasının Olomouts şəhərinin Palatski Universitetində “Kinoşünaslıq” və “İngilis dilinin filologiyası” ixtisasları üzrə bakalavr dərəcəsi alıb. 2018-ci ildə Praqada Səhnə Sənətləri akademiyasının Kino və Televiziya fakültəsində “Kinoprodüser” ixtisası üzrə kurs bitirib.
2018-ci ildə çap olunmuş “Azərbaycan animasiyası” kitabının həmmüəllifi və baş redaktorudur. 2018-ci ildə yaradılmış ANİMAFİLM Beynəlxalq Animasiya Festivalının təsisçisi və direktorudur. 2020-ci ildən “PERİ FİLM” MMC nəzdində fəaliyyət göstərən ANİMAFİLM Studiyasının direktorudur.
Prodüseri Rəşid Ağamalıyev olan “Hədis” qısametrajlı animasiya filmi Azərbaycan Türkü Hədis Nəcəfiyə həsr olunub. Filmin premyerası dünyanın ən böyük animasiya festivalı olan Annecy Beynəlxalq Animasiya Filmləri Festivalında olub. Film 30-dan çox beynəlxalq festivala qəbul olunub ki, bu festivallardan dördü – Annecy, Busan, Animest və İzmir Oskar kvalifikasiyalı festivallardır.
Rəşid Ağamalıyev Azərbaycan Animasiya Assosiasiyasının təsisçilərindən biri və sədridir.
Linklər:
ANİMAFİLM festivalı – Instagram
“Azərbaycan animasiyası” kitabı
Filmoqrafiya:
- “Züleyxa ilə dialoqlar” (2019, qısametrajlı sənədli film) – rejissor, prodüser
- 3-cü ANİMAFİLM Beynəlxalq Animasiya Festivalının treyleri (2020) – prodüser
- “Sara, hara? Qobustan” (2021, qısametrajlı animasiya filmi) – icraçı prodüser
- “Sara, hara? Sara Xatun” (2021, qısametrajlı animasiya filmi) – icraçı prodüser
- “Hətta siçanlar da cənnətə aiddir” (2021, tammetrajlı animasiya filmi) – layihə meneceri
- 4-cü ANİMAFİLM Beynəlxalq Animasiya Festivalının treyleri (2021) – prodüser
- 5-ci ANİMAFİLM Beynəlxalq Animasiya Festivalının treyleri (2022) – prodüser
- “Hədis” (2023, qısametrajlı animasiya filmi) – prodüser