IV ANİMAFİLM Beynəlxalq Animasiya Festivalının seçim komissiyası müsabiqə proqramına daxil edilmiş işlərin siyahısını elan edib.
Bütün seçilmiş film və ssenarilər beynəlxalq münsiflər heyəti tərəfindən baxılacaq və qaliblər ANİMAFİLM festivalının açılış və bağlanış mərasimlərində elan olunacaq.
SEÇİM KOMİSSİYASI:
Seçim komissiyası 61 müxtəlif ölkədən 370 müraciətə baxaraq 128 əsəri müsabiqə proqramına daxil edib.
Animasiya filmləri üzrə seçim komissiyası: Demetrios Poursanidis (Yunanistan), Carlos Douglas (ABŞ), Liz Manresa (Fransa), Hasan Pastaci (Belçika), Ira Elşanski (Rusiya), Ramin Kuliev (Azərbaycan), Firəngiz Bağırova (Azərbaycan), Kamilə Məmmədova (Azərbaycan), Nəzrin Ağamalıyeva (Azərbaycan).
Ssenarilər üzrə seçim komissiyası: Firəngiz Bağırova (Azərbaycan), Ülviyyə Heydərova (Azərbaycan).
VACİB QEYD:
Bu il Azərbaycanda koronavirus məhdudiyyətləri olduğundan, IV ANİMAFİLM Festivalı onlayn və ya hibrid formatda keçiriləcək. Hər ehtimala qarşı, vacib xəbərləri qaçırmamaq üçün Facebook tədbirimizə qoşulun.
