“Sənətə sevgi hekayəsi” filmi VAFI & RAFI festivalında
Baxış sayı: 492
“Sənətə sevgi hekayəsi” (“Story Of Art Love”) (2021) qısametrajlı eksperimental animasiya filmi Xorvatiyada keçirilən 14-cü “VAFI & RAFI – International Children and Youth Animation Film Festival”ının əsas müsabiqə proqramına seçilib.
Dünyanın müxtəlif ölkələrindən təqdim olunan yüzlərlə ekran əsərinin arasından seçilmiş filmlərin nümayiş olunacağı festival cari il mayın 25-dən iyunun 4-dək keçiriləcək.
“Sənətə sevgi hekayəsi” qısametrajlı eksperimental animasiya filminin rejissoru Şahin Xəlil, bəstəkarı Fuad Alqayev, dizayner Tural Əlisoy, konsultant Mir Bağırdır.
Qeyd edək ki, “Sənətə sevgi hekayəsi” filmi 2021-ci ildə Bakıda keçirilən 4-cü “ANİMAFİLM Beynəlxalq Animasiya Festival”ının yerli müsabiqəsində iştirak edib.
