28 oktyabr – Beynəlxalq Animasiya Günüdür
Bu gün – oktyabrın 28-i, Beynəlxalq Animasiya Günüdür. Azərbaycan Animasiya Assosiasiyası adından bütün animasiya peşəkarları, həvəskarları və animasiyasevərləri təbrik edirik!
Beynəlxalq Animasiya Gününü necə qeyd etmək olar? İlk növbədə animasiya filmlərinə baxın və həmkarlarınızı təbrik edin! Bu gün saat 19:00-da İçəri şəhərdə təşkil olunan “Animatorun reyhan kompotu” tədbirimizi qaçırmayın.
Niyə məhz oktyabrın 28-i? Məhz həmin gün 1892-cu ildə, Paris şəhərində Emile Reynaud özünün icad etdiyi “Optik teatr” (Theatre Optique) cıhaz vasitəsilə öz çəkdiyi müxtəlif animasiya filmlərini tamaşaçılara nümayiş etdirib. Həmin filmlər arasında “Pauvre Pierrot” (“Yazıq Pierrot”) və “Le Clown et ses chiens” (“Kloun və onun itləri”) filmləri də olub.
2002-ci ildə ASIFA-nın (Beynəlxalq Animasiya Kino Assosiasiyası) təsis etdiyi Beynəlxalq Animasiya Günü münasibətilə müxtəlif ölkələrdə nümayişlər, vörkşoplar və konfranslar təşkil olunur.
Hər il ASIFA-nın təşəbbüsü ilə Beynəlxalq Animasiya Günü münasibətilə tanınmış animasiya müəllifləri orijinal plakatlar hazırlayır. Builki posteri isveçrəli məşhur animasiya rejissoru Georges Schwizgebel hazırlayıb.
Mənbələr:
- https://asifa.net/what-we-do/international-animation-day/
- https://iadasifa.net/posters/
- https://en.wikipedia.org/wiki/Th%C3%A9%C3%A2tre_Optique
