10 yanvar rejissor Məsud Pənahinin doğum günüdür
Baxış sayı: 703
10 yanvar animasiya rəssamı, rejissor, yazıçı Məsud Pənahinin doğum günüdür. Azərbaycan Animasiya Assosiasiyası və ANİMAFİLM Beynəlxalq Animasiya Festivalı adından onu ürəkdən təbrik edirik!
Məsud Pənahi animasiya sənətinə əhəmiyyətli töhfələr verib. O, 60-dan çox animasiya filmlərinin müəllifidir. “Azərbaycanfilm” studiyasında işləyərkən, “Pıspısa xanım və Siçan bəy” (“Tıq-Tıq xanım”) kult filmini çəkib.
Hazırda Məsud Pənahi “Narqız” adlı yeni animasiya filmi üzərində çalışır. “Narqız” filminin əsas maarifləndirici məqsədi işğaldan azad olunmuş ərazilərdə düşmənin basdırdığı mina sahələrinə diqqəti yönəltmək, minaların necə təhlükəli olduğunu uşaqların diqqətinə çatdırmaqdır. Film Azərbaycan Respublikası Kino Agentliyinin (ARKA) dəstəyilə çəkiləcək.
Pənahi, həmçinin, mədəni və ictimai həyatda fəal iştirak edir, 2022-ci ildən Azərbaycan Animasiya Assosiasiyasının üzvüdür.
Foto: ANİMAFİLM Beynəlxalq Animasiya Festivalı
