“Emile Awards” qayıdır!
EUROPEAN ANIMATION AWARDS (AVROPA ANİMASİYA MÜKAFATLARI)
“Emile Awards” qayıdır!
Möhtəşəm animasiya filmləri istedadlı müəlliflər və zövqlü peşəkar rəssamlar tərəfindən yaradılır, Avropa isə bu baxımdan müxtəlifliyi və məhsuldarlığı ilə seçilən animasiya icmasıyla qürur duya bilər. “Emile Awards” (Emil Mükafatları) istedadı və müstəqil animasiya ustalarının, animasiya studiyalarının bu sahədə nailiyyətlərini dəyərləndirir və vurğulayır.
Fransanın Lill şəhərində iki uğurlu mərasimdən sonra pandemiya üzündən dayandırılan Emil mükafatları geri qayıdır. Təşkilat komitəsində bir araya gələn, Avropanın hər guşəsindən olan animasiya peşəkarlarından ibarət qrup ANIMASYROS Beynəlxalq Animasiya Festivalı mərasimini keçirəcək.
Emil Mükafatlarının təqdimat mərasimi bazar ertəsi, 23 sentyabr 2024-cü il tarixində Yunanıstanın Siros adasında, Ermoupolisin tarixi Apollon Bələdiyyə Teatrında baş tutacaq. Rəsmi mətbuat konfransı iyunda həm Animafest Zagreb Ümumdünya Animasiya Filmləri Festivalında, həm də Annesy Beynəlxalq Animasiya Filmləri Festivalında təşkil olunacaq.
Daha çox məlumat əldə etmək üçün bizimlə qalın!
Emil Mükafatları Təşkilat Komitəsi:
Rəşid AĞAMALIYEV (AZƏRBAYCAN/ÇEXİYA), Carolina Lopez Caballero (İSPANİYA), Olivier CATHERIN (FRANSA), Juan Carlos CONCHA (İSPANİYA) Nancy DENNEY-PHELPS (BELÇİKA), Mariam KANDELAKI (GÜRCÜSTAN), Vassilis KARAMITSANIS (YUNANISTAN), Holger LANG (AVSTRİYA), Libor NEMESKAL (ÇEXİYA), Kerdi OENGO (Estoniya), Aneta OZOREK (NİDERLAND/POLŞA), Réka TEMPLE (MACARISTAN), Daniel ŠULJIĆ (HORVATİYA) və Anna ZACA (LATVİYA)
Daha ətraflı məlumat üçün:
Eleni MICHALAKI
athensoffice@animasyros.gr
Mənbə:
Avropa Animasiya Mükafatları Assosiasiyası
animationawards.eu
IG: @emileawards
