“ANİMAFİLM Lənkəranda” festivalında hansı filmlər nümayiş etdiriləcək?
Məlumat verdiyimiz kimi, Azərbaycan Respublikası Mədəniyyət Nazirliyinin dəstəyi və Azərbaycan Animasiya Assosiasiyasının təşkilatçılığı ilə 16-17 may tarixlərində Lənkəran şəhər Mədəniyyət Mərkəzində “ANİMAFİLM Lənkəranda” tədbiri keçiriləcək. Regionlarda animasiya kinosu və sənayesinin inkişafının təşviqi məqsədi ilə keçirilən tədbir “ANİMAFİLM festivalı regionlarda” layihəsi çərçivəsində baş tutacaq.
“ANİMAFİLM Lənkəranda” festivalında bu animasiya filmləri nümayiş etdiriləcək:
16.05.2024
10:30 – 12:30 – Böyüklər üçün proqram (16+)
- “Pıspısa xanım və Siçan bəy”. Rej. Məsud Pənahi, Ağanağı Axundov. Azərbaycan
- “Hədis”. Rej. Nəzrin Ağamalıyeva. Azərbaycan.
- “Şəfəq saçan səma altında” (Under This Luminous Sky). Rej. Emily Xu. Kanada
- “Söhbətül-əsmar”. Rej. Elçin Hami Axundov. Azərbaycan
- “Tarix”. Rej. Ceyhun Türksoy. Azərbaycan
- “Gecə” (La Notte). Rej. Martina Generali, Simone Pratola, Francesca Sofia Rosso. Italiya.
- “Bacı olmaq” (To Be Sisters). Rej. Anne-Sophie Gousset, Clément Céard. Fransa
- “Yengəc” (Crab). Rej. Piotr Chmielewski. Polşa
16.05.2024
14:30 – 16:30 – Uşaqlar üçün proqram (7+)
- “Pıspısa xanım və Siçan bəy”. Rej. Məsud Pənahi, Ağanağı Axundov. Azərbaycan
- “Tıq-tıq və dostları möcüzələr axtarışında”. Rej. Sultan Abbasbəyli. Azərbaycan
- “Hər bir yerdə” (Everywhere). Rej. Step Cheung, Kai Chung Ng. Honq Konq
- “Mən qorxmuram!” (I’m not Afraid!). Rej. Marita Mayer. Norveç
- “Əjdaha Qlobbi” (Globby the Dragon). Rej. Yun Li, Xin Sun. Honq Konq
- “Pərixanım Sofiyeva” (Phari Khanum Sofiyeva). Rej. Anna Chubinizdze. Gürcüstan
- “Korvin” (Corvine). Rej. Sean McCarron. Kanada
17.05.2024
10:30 – 12:30 – Böyüklər üçün proqram (16+)
- “Atamla səyahət” (A Journey With My Dad). Rej. Mor Israeli. İsrail
- “The Half” – Birdən ölsək”. Rej. Rəvan Muradov. Azərbaycan
- “İxtiraçı ata” (Inventing Father). Rej. Hui Zhu. Honq Konq
- “Hidari”. Rej. Masashi Kawamura.Yaponiya
- “Bapbalaca adam” (A Tiny Man). Rej. Aude David, Mikaël Gaudin. Fransa
- “Boş yerlər” (Empty Spaces). Rej. Ayan Novruzlu. Azərbaycan, Böyük Britaniya
- “Sonrakı görüntü” (Afterimage). Rej. Robyn MacIntosh, Serin Chun. Kanada
- “Müharibənin sonu” (The End of War). Rej. Lei Chen. Çin
17.05.2024
14:30 – 16:30 – Uşaqlar üçün proqram (7+)
- “Hər bir yerdə” (Everywhere). Rej. Step Cheung, Kai Chung Ng. Honq Konq
- “Tıq-tıqla möcüzələr axtarışında. Qobustan”. Rej. Sultan Abbasbəyli. Azərbaycan
- “Baharın oğurlanması”. Rej Aleksandra Şirinova. Azərbaycan
- Lənkəranın seçimi 1*
- Lənkəranın seçimi 2*
- Lənkəranın seçimi 3*
*Festival zamanı səsvermədə qalib gələn filmlər olacaq.
“ANİMAFİLM Lənkəranda” tədbirində uşaqlar və böyüklər üçün yerli və xarici animasiya filmlərinin nümayişləri, müzakirələr və səsvermə nəzərdə tutulub. Bundan əlavə, tədbir çərçivəsində “Anidoc” adlı sənədli animasiya vörkşopu keçiriləcək. Vörkşopu rejissorlar Nəzrin Ağamalıyeva və Elçin Hami Axundov aparacaqlar. İki gün ərzində vörkşop iştirakçıları sənədli animasiya filmləri layihələrini necə işləyib hazırlamağı, təqdim (pitching) və istehsal etməyi öyrənəcəklər. Ən yaxşı layihələr və onların müəllifləri oktyabr ayında Bakıda keçiriləcək 7-ci ANİMAFİLM Beynəlxalq Animasiya Festivalına dəvət alacaqlar.
“ANİMAFİLM Lənkəranda” tədbirində iştirak ödənişsizdir və qeydiyyatsızdır. Animasiya təlimi üçün qeydiyyat mütləqdir. Animasiya təlimi üçün müraciətlər anketi doldurmaq yolu ilə həyata keçirilir (qeydiyyat üçün son tarix – 15 may 2024-cü ildir). Lənkəranda yaşayan 14 yaşından yuxarı bütün şəxslər təlimdə iştirak etmək üçün müraciət edə bilər.
Qeyd edək ki, “Azərbaycan Animasiya Assosiasiyası” ictimai birliyi Azərbaycanda milli animasiya kino sənətinin inkişafına yardım etmək məqsədilə 2018-ci ildən etibarən Bakı şəhərində ANİMAFİLM Beynəlxalq Animasiya Festivalını keçirir. Ölkənin digər şəhərləri üçün nəzərdə tutulan bölmə “ANİMAFİLM festivalı regionlarda” adlanır.
Bundan əvvəl “ANİMAFİLM festivalı regionlarda” layihəsi çərçivəsində 2021-ci ildə “ANIMAFILM Şəkidə”, 2023-cü ildə isə “ANIMAFILM Naxçıvanda” tədbirləri keçirilib.
