Baxış sayı: 327
“Yaradıcı Həftə” çərçivəsində Mədəniyyət Nazirliyinin təşkilatçılığı ilə 1-3 dekabr tarixlərində YARAT Müasir İncəsənət Məkanında “GƏL, YARAT” Yaradıcılıq üzrə Marafon təşkil olunacaq.
Marafon çərçivəsində Azərbaycan Animasiya Assosiasiyasının dəstəyilə “Pitch a TV Show!” təlim və pitçinq müsabiqəsi baş tutacaq.
Təlimin iştirakçıları animasiya serialının istehsalı haqqında geniş məlumat alacaq, həmçinin personaj dizaynının hazırlanması, sinopsisin yazılması və layihə təqdim etməyə (pitçinq) dair biliklərə yiyələnəcəklər. Təlimin sonunda komandalar animasiya serialları layihələrini təqdim edəcəklər. Layihələr ekspertlər tərəfindən qiymətləndiriləcək. Nəticədə ən yaxşı animasiya serialı layihəsi mükafatlandırılacaq.
Təlimdə mentor qismində Oktay Yusibov çıxış edəcək. Qeyd edək ki, O. Yusibov “Plastilin-media” (Finlandiya) şirkətinin rəhbəri və həmtəsisçisi, həmçinin, animasiya istehsalının bütün aspektləri üzrə 17 illik təcrübəyə malik “Alove Animation Studio” (Azərbaycan) şirkətinin həmtəsisçisidir.
Təlimdə iştirak etmək istəyən animator, rəssam, prodüser və rejissorlar noyabrın 25-dək bu formanı dolduraraq müraciət edə bilərlərlər.