“Pitch a TV Show!” təlim və pitçinq müsabiqəsinin qalibləri müəyyən olunub
2023-cü il 1-3 dekabr tarixlərində YARAT Müasir İncəsənət Məkanında Mədəniyyət Nazirliyinin dəstəyilə “Gəl, YARAT” yaradıcılıq üzrə marafon təşkil olunub.
Dekabrın 3-ündə marafonun final mərhələsi olub və 25 iştirakçı komanda tərəfindən hazırlanan məhsullar beş istiqamət üzrə (animasiya (“Pitch a TV Show!”), kino, qrafik dizayn, teatr və videoqrafiya) səhnədə təqdim olunub.
Sonda münsiflər heyətinin qərarı ilə aşağıdakı istiqamətlər üzrə komandalar qalib elan olunub və mükafatlandırılıb.
- Animasiya – “Ovsun” komandası – 1000 AZN
- Kino – “Alfa” komandası – 1000 AZN
- Teatr – “Səssiz” komandası – 1000 AZN
- Dizayn – “The last of us” komandası – 1000 AZN
- Videoqrafiya – “The pulse of innovator” komandası – 1000 AZN
Animasiya təlimində gənc animatorlar, rəssamlar, rejissorlar və prodüserlər iştirak ediblər:
- “Ovsun” komandası, “Yerimizin keşikçiləri” layihəsi – Fatimə Həsənzadə, Sevil Rafailova, Sevinc Bilalova
- “Beş barmaq” komandası, “Bakı paxlavası” layihəsi – Mehriban Əliyeva, Aygün Baxşıyeva, Sevinc Quliyeva, Ağaxanım Qafarzadə, İsmayıl İsmayılov
- “Baden-Badenin mavi gecələri”, “Oyundan kənar” layihəsi – Kənan Bağırov, Səltənət Əfəndiyeva, Nabat Cabbarova, Nəzrin Ağamalıyeva, Türkan Əliyeva
- “4 də bir”, komandası, “Dostluq axtarışında” – Aytac Mikayılova, Amin Quliyev, Seyla Əliyeva, Ayşə Məmmədcəfərli
Animasiya təlimində mentor qismində Azərbaycan Animasiya Assosiasiyasının üzvü Oktay Yusibov, münsiflər heyəti qismində isə Azərbaycan Animasiya Assosiasiyasının həmtəsisçi Elçin Hami Axundov və Azərbaycan Dövlət Kukla Teatrının baş rejissoru Qurban Məsimov çıxış ediblər.
“Pitch a TV Show!” təliminin iştirakçıları animasiya serialının istehsalı haqqında geniş məlumat alıblar, həmçinin, personaj dizaynının hazırlanması, sinopsis yazılması və layihə təqdim olunmasına (pitçinq) dair biliklərə yiyələniblər. Təlimin sonunda komandalar animasiya serialları layihələrini təqdim olunub və qaliblər elan edilib.
“Gəl, YARAT!” marafonu Azərbaycan Film Akademiyasının kino və teatr, Bakı Dizayn Akademiyasınının qrafik dizayn, Azərbaycan Animasiya Assosiasiyasının animasiya istiqamətləri üzrə mentorluğu ilə “Yaradıcı Həftə” çərçivəsində reallaşıb.
