“Narqız” animasiya filmi üçün animatorlar işə qəbul olunur

“Narqız” qısametrajlı animasiya filminin istehsalı üçün animatorlar axtarılır. Müraciətlər aprelin 1-inə kimi qəbul olunur. Müraciət etmək üçün lütfən bu formanı doldurun.

Animatorlar aşağıdaki tələblərə cavab verməlidir:

1. Toon Boom proqramında işləmək bacarığı.

2. Frame-by-frame (cizgi) animasiya texnikasında işləmək bacarığı.

3. Onlayn iş rejimində işləmək bacarığı.

4. Yaradıcı, əməkdaşlığa hazır və təşəbbüskar olmasi

“Narqız” filminin məqsədi işğaldan azad olunmuş ərazilərdə basdırılan mina sahələrinə diqqət yönəltmək, minaların necə təhlükəli olduğunu uşaqların, həmçinin böyüklərin diqqətinə çatdırmaqdır.

Film Azərbaycan Respublikasının Kino Agentliyinin (ARKA) maliyyə dəstəyi ilə çəkiləcək. Filmin rejissoru Məsud Pənahi, prodüseri Rəşid Ağamalıyev (“PERİ FİLM” MMC, ANİMAFİLM Studio), ssenari müəllifləri Məsud Pənahi, İsmayıl İman, Nəzrin Ağamalıyeva, redaktor Rafiq Məmmədlidir.

Qeyd edək ki, 2023-cü ilin iyul ayında “Narqız” layihəsinin kraudfandiq kampaniyası uğurla başa çatıb (layihənin adı “Nərgiz” idi).