III ANİMAFİLM Beynəlxalq Animasiya Festivalının seçim komissiyası müsabiqə proqramına daxil edilmiş animasiya filmləri və ssenarilərin siyahısını elan edib.
SEÇİM KOMİSSİYASI:
Animasiya filmləri üzrə seçim komissiyası: Nəzrin Ağamalıyeva (Azərbaycan), Aydan Həsənova (Azərbaycan), Liz Manresa (Fransa), Sophie Vimont (Fransa), Nicolina Sterbet (Moldova/İtaliya), Demetrios Poursanidis (Yunanistan).
Ssenarilər üzrə seçim komissiyası: Sevinc Əzimova (Elsevər) (Azərbaycan), Cahangir Səlimxanov (Azərbaycan).
SEÇİM HAQQINDA QEYDLƏR:
Bütün seçilmiş film və ssenarilər beynəlxalq münsiflər heyəti tərəfindən baxılacaq və qaliblər 2020-ci ilin oktyabrın 18-də 3-cü ANİMAFİLM festivalının bağlanış mərasimində elan olunacaq.
Xatırladaq ki, builki ANİMAFİLM-in milli kateqoriyalarının qaliblərini möhtəşəm mükafatlar gözləyir.
Həmçinin, seçim komissiyasının qərarına əsasən yeni kateqoriyaların yaradılması haqqında qərar verildi. Yeni kateqoriyalar bunlardır:
– Ən yaxşı Azərbaycan tələbə qısametrajlı animasiya filmi
– Uşaqlar üçün nəzərdə tutulmuş qısametrajlı animasiya filmi üçün ən yaxşı Azərbaycan ssenarisi
“Bu il ən çox müraciət yenə ABŞ-dan daxil olub. İngiltərə, Kanada və Fransa həmişəki kimi aktiv olublar. Müraciətlərin sayı ötən ilə nisbətən iki dəfə artıb. Həmçinin, Azərbaycandan bu il müsabiqəyə 20-yə yaxın film, 40-a yaxın ssenari göndərilib. Bu, çox sevindiricidir və onu göstərir ki, Azərbaycanda animasiya kinosu dirçəlməyə başlayır”, – bu sözləri festivalın direktoru Rəşid Ağamalıyev deyib.
